Vigo :Editorial Galaxia, S.A ,0000 . 148 páx , SINOPSE "MEMORIAS DUN NENO LABREGO": Velaquí unha das obras que fundan a narrativa galega contemporánea. O que o lector, ou a lectora, ten nas mans é o libros máis lido e máis traducido da literatura galega. "Memorias dun neno labrego" de Xosé Neira Vilas recolle o suposto caderno no que Balbino, un rapaz de aldea que vive na década de 1940, escribe: "Vexo o mundo darredor de min e adoezo por entendelo [...] Ninguén me di para que serven as estrelas nin onde morrren os paxaros". Con esta nova edición Editorial Galaxia inaugura a Biblioteca Neira Vilas. O AUTOR: Neira Vilas (Vila de Cruces, 1928) é sen dúbida un dos escritores máis sobranceiros do noso país. A súa vida e a súa obra están marcadas pola emigración, que el viviu en primeira persoa en Arxentina e Cuba. Dese sentir nace Memorias dun neno labrego, un dos libros máis famosos das letras galegas. A mestría do Neira Vilas narrador amósase nese e noutros moitos libros que lle valeron o recoñecemento da sociedade galega. Ao longo da súa vida Neira Vilas recibiu numerosos galardóns, como por exemplo a Medalla Castelao en 1988. Nos Premios da Edición que concede a AGE recibiu o Premio Xosé María Álvarez Blázquez ao autor do ano 2010. Xosé Neira Vilas naceu en Gres (Vila de Cruces) no ano 1928. Fillo de labregos, traballou nas faenas do campo ata que en 1949 emigrou á Arxentina onde catro anos máis tarde funda as Mocedades Galeguistas e en 1956 participa na organización do I Congreso da Emigración Galega. Despois de casar coa escritora Anisia Miranda instálase en 1961 na illa de Cuba, comprometéndose activamente no proceso revolucionario. En 1969 Neira Vilas pon en marcha a Sección Galega do Instituto de Literatura y Lingüística da Academia de Ciencias de Cuba. En 2011 foille concedida a Medalla Alejo Carpentier outorgada polo goberno de Cuba. Como escritor deuse a coñecer con Memorias dun neno labrego (1961), un dos libros de máis éxito na historia da literatura galega e traducido a moitos idiomas. Posteriormente apareceron outros textos seus, como Xente no rodicio, Remuíño de sombras, Camiño bretemoso, A muller de ferro, Charamuscas, Espantallo amigo, A Marela Taravela, O cabaliño de buxo, Cartas a Lelo, Aqueles anos do Moncho, Querido Tomás, Relatos mariñeiros, Esperando o leiteiro, 100 anos do Himno Galego, Aquel neno e outros moitos máis. Tamén destaca o seu labor no eido da investigación, dentro do cal publicou libros como Castelao en Cuba, A prensa galega en Cuba, Rosalía de Castro e Cuba e o premiado Galegos no Golfo de México ;13cm.